DIY 修補車身花痕大約可分為 3 種唔同既嚴重程度。
A) 純粹係有污跡留左係層蠟 / 光油表面
呢個情況係最易攪，你摸落去唔會有凹左落去既感覺。係呢個時候，你只要先用洗車水簡單清潔左表面，用粗蠟磨走外來既污跡，之後再用拋光蠟拋”令”返個車漆面就 ok!!!
B) 已經傷到車漆
呢個情況下，用手摸係會有凹左落去既感覺。
如果傷痕比較細，可以直接用補油筆慢慢點，如果傷痕比較大，可以加配一個噴罐將補油筆插上去用，對比較大範圍既傷痕噴呢個方法係快手好多。
另外，如果傷痕比較深，或者會用噴罐，係補油前需要先補土，填平個花痕先上油效果會好好多。
補油需要既物品: 補油筆，砂紙，粗蠟，拋光蠟，汽車美容膠紙，極幼畫筆 / 牙籤，脫脂劑 (未到極必需但絕對係有好好多)，噴罐(按需要)
1) 先用汽車美容膠紙包圍有花痕既位置以免施工個陣唔小心整到附近地方。用砂紙稍為磨一磨花痕既裡裡外外，確保無外來污跡留低影響補油效果，之後用脫脂劑噴一噴走油脂同細微灰塵，令漆油 / 補土同車身黏合得更好。
2) 確保絕對乾透，用補土劑填平，用佢個膠刮刀推平推實 d 補土，等 3 ~ 4 日唔好濕水，令補土徹底乾透。如果唔需要補土，就唔洗做呢一步。
3) 補土徹底乾透後，用砂紙推返平滑，唔想煩可以用 soft 99 一舊過既多面立體砂紙，先用細 number 粗面推平，之後用大 number 推返滑表面，用脫脂劑噴一噴去走油脂同細微灰塵。
4) 想完美可以等一日睇下第二日 d 補土磨完又乾透後係唔係順滑，當然更多人唔會等一日。當做完補土，就可以用油筆上油。支油筆本身有跟一個好似油指甲既掃，記得!!!!!!!!!!! 唔好用個個掃，請用極幼畫筆 / 牙籤慢慢一點一點咁補上去，真係唔好心急，亦唔需要上太厚。如果係噴每次只噴薄薄一層，再睇睇夠未，未夠再噴薄薄一層再睇。而當上完油之後，等佢乾3 ~ 4 日唔好濕水。
5) 車漆徹底乾透後，用砂紙推返平滑，同樣先用細 number 粗面推平，之後用大 number 推返滑表面，之後就用粗蠟進一步磨返滑，再用拋光蠟蠟拋”令”返個車漆面就 ok!!!
C) 傷左真係好大幅好難攪